Johann Friedrich Blumenbach

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Johann Friedrich Blumenbach
O medico, naturalista, fisiologo y antropologo alemán Johann Friedrich Blumenbach, en un gravato de Ludwig Emil Grimm(circa 1840).
Información personal
Calendata de naixencia	11 de mayo de 1752
Puesto de naixencia	Gotha (ducau de Saxonia-Gotha-Altenburg, hue en Turinchia, Alemania)
Calendata de muerte	22 de chinero de 1840
Puesto de muerte	Göttingen (reino de Hannover, hue en Baixa Saxonia, Alemania)
Ocupación	Medico, naturalista, fisiologo y antropologo

Johann Friedrich Blumenbach, naixito de Gotha (ducau de Saxonia-Gotha-Altenburg, hue en Turinchia, Alemania) l'11 de mayo de 1752 y muerto en Göttingen (reino de Hannover, hue en Baixa Saxonia, Alemania) o 22 de chinero de 1840, estió un destacato medico, naturalista, fisiologo, etnologo y antropologo alemán, muit conoixito por os suyos treballos d'anatomía comparata, metodo que feva servir ta estudiar a morfolochía d'o ser humán, estando asinas qui establió os alacez d'a dita Antropolochía fisica. Establió un sistema de clasificación d'a especie humana en cinco razas diferents, basando-se mas que mas en a Craniolochía u estudio d'os cranios humans, feito que tenió importancia en bellos medios d'o racismo con pretensions cientificas.

Coleccionista d'escletos, estió profesor d'Anatomía en a Universidat de Göttingen mientres alto u baixo 60 anyadas, tenendo asinas una ampla influyencia en a formación de muitos cientificos alemans. Antiparte, en 1793 se convertió en miembro forano d'a Royal Society, estando tamién miembro de l'Academia de Ciencias de Suecia.